Fermer / Cerrar / Close Informations Informaciones Télécharger / Telecargar

=01 {Chapoltepec (­01)} IMEXICA, AMO VALGEL Iuhtiaque in açico chapoltepec, can oc çêncate. Nican m[o]tocayotia, Inizquintin Inic çe itoca poiauitl MeMella Xolma, Michiniztac Çemacachiquitl, AAtlatl Xomimitl Atlaquahuitl TenochoCelopan, Acatzintli Oçelotl, Chalchiutonac, Ayoqua Xocoyol Tlaquez, IZQVINTINI, AVINITLATOCAVH, Itocatozcuecues, Oc cempo{hua}l xihuitl ynoca tepacho ÿn chapoltec Yn omic, Niman hualmotlali, Yn Vitziliuitzin E uh, XXIII xihuitl {cempohual xihuitl yhuân yeyxihuitl 23 años}, tepachohua, Ynic moyahuaque Mexica YPan çe tochtli Xihuitl Auh yn oc quezqui mocauhque Nimân yc tetlân omocalaque Yn Colhuacan yn tlatlauhtito Ytoca Eztloçelônpa Auh yn otlayhuaque Xomimitl /Yn Colhuacân/ Michiyniztac, Tenoch, Yztacalco Çaçêncate yn oyuh motlalico Temazcaltitlân ça nepanixticate E yuh XXIII xihuitl {matlactli ome y xihuitl 13 años} Tepachohua Ynic {na}moyaloque Mexica Ypa çe tochtli xihuitl Auh yn oc quezqui mocauhque Nim n yctetla omocalacque yn Colhuacân yntlatlauhtito Ytoca Eztloçelompa auh yn otlaihihuaque Xomimitl, Michiyztac, Tenoch Yztac chiauhtototl ynemito Ynesticpac Intecui··· tolla Yztacalco Ça cencate Ynoyuh motlalico Temazcaltitla ça nepanixticate E yuh matlactlomey Xihuitl Ynic hualmogeloque Tlatilulca (­02) Xaliyacac Ypân Çe calli xihuitl Yn ça oc moyahuaque ça oc motlalique Yn Mexica XXX xihuitl. = 30 años = Cempohualli ommatlactl[i xihuitl]

Ynic motlatocatlali (­03) yn Quaquauhpitzahuac YPan ce tochtli xihuitl ¾01 [ce xihui]tl yn çan oc onpa catca Azcapotzal[c]o, auh ynic hualla Tlatilulco ypa in omacatl Xihuitl yn omotlalico Tlatilulco E iuho xihuitl tlatocati Yn otepeuh Mexicatl, yn Chimalhuacân Atenco Nican motecpana yhquac tlequahuitl uetz. No yhquac mo{l}pilli yn ixiuh Mexica ye yuh XI xihuitl tlatocati yn momoztique Mexica E iuh XXI Xihuitl {Cempohual Xihuitl oçe 21 años} tlatocati Yn conpeuh Tepanohuayan calqui çano ye Xiuhyoc Yn conpeuh Mizquicatl yhua ytepehual yn cuitlahuac yhua Xochmillcatl Yhua Quauhnahuacatl Yzqui canin yn itepehual Quaquauhpitzahuac ÿn tlatocat XXXVII xihuitl {Cempohual xihuitl yhuan matlactli yhuan chicome xihuitl 37 años} yn omic nimân hualmotlali.

±± (­04) Tlacalteotzin ypan VII tecpatl xihuitl {e iuh VII xihuitl} tlatocati yn moman chalca{yao}yotl E iuh IX xihui{tl} tlatocati yn quimoman Tecpântlaquilque nican mopohua Yn izquican ytepehual, Toltitla, quauhtitlân chalco, Acolman, otonpa, Acolhuacan, Tollatzinco Ynic mic, tlacalteotzin teuhtichu{atzin} tlaçoltica Yhua mic/···/ teuhtlehuatzin No yhquac mic yn chimalpopoca tenochtitlân tlatohuani catca amo quali inic mictilloque, {omictiloque yehuatl quimicti in Azcapotzalco maxtlaton teuhtica tlazoltica} Atzonpan Tetepacholoqui tlacalteotzon, tlatocat, XVII xihuitl {[yn] tlahtocati caxto ···i yhuan ome Xihuitl = 17 años} yn omic, hualmotlali,

(­05) Quauhtlatohuatzin yn ipa, X tecpatl ye iuh çe xihuitl tlatocati ynic mononotzque yn tlatilulco Tlacochcalcatl yn mochitin tiacahua Pipilti yn inpapa yc omictiloque yn intlatocahuân Yhquac olin ytepanecayaoyotl No yhquac yecauh in tenochtitla teocalli yn tepanecatl ytepehual yn Quauhtlatohuatzin ye yhquac mic yn Maxtlato ye yuh XXV xihuitl {25 Años Cempohuall xihuitl yhuan macuilli xihuitl} tlatocati yn moçetochhuique Mexica {ye yquac ··· ··· molpili inxiuh Mexica} yn quauhtlatohuatzin ytlatocat XXIX xihuitl {yn tlahtocati cempohualli yhuan chicunahui xihuitl 29 años} yn omic hualmotlalli.

(­06) Yn Moquihuis Ypan matlactlo{mo}me Tecpatl, XII xihuitl e iuh matlac xihuitl tlatocati ynic tepân momân /chalca/ ya{o}yotl ni can =02 yn tlatilulco Ynic omînxnamique Yn axayaca ynpeuh Necaliliztli yeon mopillohua tonatiuh yn taçiti catca yxquich tlama yhuân chiuhnauhtlân Çihua yxquich tlama, çân no yuhqui yn teçôntlalnamacoyân yxquich tlama yn ocaçique Çân no yuhqui yn atenântitech Noyxquich caçique Auh {ic maquiz} y hualquiz tonatiuh ye yc tetlaca hualtia Yn teuhtlatoque ynic yn tencopa Yn traytorres yn Pipilti yn quinahualpoloque altepetl ynin tlanahuatilhua ynicân Mixcohua tlaylotlac tecuhtli.

Izcate necoc quitlalique yn tlatol yn pipilti traytoles in tlatilulca quinahualpolozquia altepetl nican motocate Nehua yn izquitin

Tecohuatl Mexicatl Amaxac chane 1

Eçatzitzimitl ··· Anayacacolco chane 2

Tepoco ··· chane

Calmeca ··· chane

Çonihui Tecpântzinco chane

±± Yehua[n]tin [i]nin in traytorles yn izqui[n]tin tetlaneque necoc quitlalique Yn intlatol On calaquia tenochtitla No hualcalaquia nican tlatilulco Ça no yehua[n]tin Coyolo cocoltito in axayacatzin Conilhuito Ma ça ytla conitta Yn moquihuîns Auh yn oc oncauhque Axayaca Nimân hualaque y[n] nicân tlatilulco in têncopa conilhuito in tlatohuanie Moquiuistzin Ca otohuia in tenochtitla otitlatecpanoto, huel motequipachotzinotica y[n] tlacatl tlatohuani Axayacatzin Auh ynin tle timaylia, ma ça on chimalmanalo yhuân ma onmaquauhximallo ye timitztonemachtilia tlatohuanie Ma ytla topân mochiuh çan ihui ynic polihuizquia altepetl Tlatilulco Auh in te{no}chtitla[n] {tlah}tohuani Axayacatzin ¾02 ye yhquac nohuiân, Motetlatlaquehui yn altepehuaca y[n] tonahuac, onoque Ynic tlayhihua Yhquac quitemacac Copilli, tlatocayotl Yhua[n] chayahuac Cozcatl yhua[n] chalchihuitl yhua[n] quetzaliztli yn axayaca ynic tetlatlauhti ynic quipoloz altepetl tlatilulco, Conitohua Ma oc tech mopalehuiliqui yn yaotiacahuân Yn huel chichicahuaque ca ye {te}chpoloznequi Yn tlatilulca Auh ca no contitlani in Copilli yn tlatocayotl yn ipân omotepi{e}lizque ca ompa no conihua yn incozcatzin yn imacuestzin in chalchihuitl intilmatzin yncactzin in chalchiuhtilmatzin Yncactzin ynic hualazque yn tiacahuân tepehuanime yehua[n]tin y[n] huelchichicahuaque çan ihui ynic motetlaquehuique tenochca y[n] nohuian altepepân Auh auelpoliuh Yn tlatilulco Ahuelquipoloque ye huel miequi[n]tin Nican Mocauhque Maltimochiuhque auh ça Çihua in tlamaque Yn izquica taçiticatcân yhuan chiuhnauhtla Yhua[n] teçotlalnamacoya Yhua[n] atena[n]titech yzquica in tlamalotl yn omito

YE yhquac Cempoliuh Yn tecuhyotl tlatocayotl Yn tlatilulco Nican motocayotia in Motenehua quauhtlatoque, ye yquac peuh Yn ça quauhtlatolo nican Tlatilulco yehua[n]tini yn oquipixque Altepetl Tlatilulco yn izqui[n]tini mochiuhque tlatoque

Chichitzin tlacatecatl Omotlatoca[t]lali yn omic hualmotlali

Quiçemitohuatzin Tlacatecatl Yn omic, hualmotlali

Tlacatecatl Yn omic hualmotlalli

Tlachcalcatl tlacatecatl Yn omic hualmotlali

Totoçacatzin Tlacatecatl yn omic hualmotlali

Tlacatecatl yn omic hualmotlali

=03 Ytzquauhtzin Yn omic hualmotlali

Tlacochcalcatl Yn omic hualmotlali

Teyolcocohuatzin Yn omic hualmotlali

Tlacochcalcatl Yn omic /hualmotlali/ Yc ônca tlami quauhtlatoque Yn quipisque altepetl Tlatilulco.

Haut