{p. 55}

{f. 250r}

Jnic ij. ipan mitoa ym inilhuiuh, in teteu.

Quavitl eoa, yn ipan i, ilhuiquixtililoya, in tlalloque : ioa^ nextlavaloya, y^ novia^ tepeticpac mochi tlacatl in maçeoalli : ipan vmpevaya y^ cecempoallapualli yn ce xivitl, auh macuililhuitl y ça nen vntemj. {p. 56} Yn. y. ilhuitl qujçaya ipan ic cemjlhvitl hebrero : in ipan ilhuitl i miquia in pipiltzitzinti motenevaya tlacateteuhme y^ vmpa tepeticpac : ioa^ in calpa^ novian moq^quetzaya in matlaquauhpitzaoac, itech mopipiloaya in amatl, holtica, tlacuiloli, motenevaya amatetehvitl. Auh in iquac ye onaquiz tonatiuh. Auh in iqc teteuhxallaquilo, vnca^ mochi quivalcuja, ycalpa^ mochivaya tetevitl. vnca^ onevaya in tepeticpac ic omoxtlavaya macevalli in vnca^ diablo jtoalco, muchintin q'valcuia in macevalti, in pipilti, in tetecuhti, ipa^pa y^ motenevaya teteuhxalaquilloya : ioa^ tlayavaloloya, auh in tlalloca vevetqz teyacanaya valtenanamictivia ynic tlayavaloloya : quiqueq^chpanotihvi y^ inteteuh.

Ynic ontetl tlacaxipevaliztli iquac in miquia mamalti ioa^ tlatlacuti, quixipevaya, ioa^ iquac nemja, in xixipeme, in quimaquitinenca in imevayo y^ oq^xipeuhqz : ioa^ onca^ qualoya yn vilocpalli, i. necutlaxcalli, ioa^ olchicalli, quiquaya y^teteuatzitzin. Yn i, ilhuitl quiçaya, ypan ic cempoalli vnchiquace hebrero, yn ipan j iquac miquia ioa^ qui^xipevaya, mamalti, ioa^ tlatlacvti. Auh yn imoztlayoc : no izquintin temallacac, quinquetzaya, onca^ quivavanaya quixipevaya {p. 57} Auh in imevayo oquixipeuhq^ cequi^nti tlaca conmaquiaya, cempoalilhuitl ipa^ mitotitinenca : ipan tequiquixtiloya in evatl, q. n. mochintin valquiçaya in macevalti vallalataya : ioa^ in iviptlayoc çacapa^ valnemanalo. Jn. y. iquac yancuica^ neaquiloya yn imevayo tlaca, ynic mitoa çacapa^, ca motzetzeloaya y^ çacatl, in ipa^ quivalmanaya xixipeme, ioa^ moteneva ayacachpixollo auh ynic mochivaya ca vnca^ vmpevaya inetotiloya in jcha^ diablo ça no quezqui tlacatl mochi tlacatl yyayacach in ipa^ mitotiaya in pipilti in maçevalti auh in vmpa tianquizco vmpa onechicavia in ixq'ch macevali mochi tlacatl yyayacach yn ipa^ mitotiaya Yn ipa^ ilhuitl i icempoalilhuitl mochi tlacatl valcujcatequitia yn iyoyolloco altepetl, mochi tlacatl ic mochichivaya yn ica, çeçeyaca, ynechichiuh.

Jnic etetl moteneoa toçoztontli, iquac xochimanaloya : ioa^ covaixcalmanaloya. Ynic mitoaya xochimanaloya, yehica in ixquich yancuica^ cueponja, nepapa xochitl ic tlamanaloya. Auh inic moteneva covaixcalmanaloya : yehica in cocoa, tleco, moxcaya inic tlamanaloya ipan motecaya in ventli ynic vntlamanaloya yn icha^ diablo, In ilhui. Auh intla aca caçiz covatl ayamo quiquaya, quin iquac in ocovaixcalmanaloc iquac vel quiquaya. ça no iuhqui xuchitl ayayac vel quitequia, achtopa ic tlamanaloya. Jnjn ilhuitl quiçaya ipa^ ic caxtoli omey março. Yoa^ mitoaya hevatlatillo inic mitoaya hevatlatilo, iquac in çempoalilhuitl oneaquiloc yn imevayo, tlaca, çatepa^ contlatiaya, {p. 58} in vztoc contocaya, contlalpachoaya vnca^ palanja.

{f. 250v}

Vey toçoztli, iquac in motenevaya, Centeuanaloya, inic mochioaya ilhuiquixtililoya in toctli : in çeçeyaca, tlacatl, yn quezquican tocyotoc ymil, yn iuh cecentacapa^, y. çeçen canaya y^ itoc, in quezquica^ ymilpa^ novian, çeçen canaya : auh quivalcuja yn incha^, vncan quitlamaniliaya y^ toctli : ioan vnca^ Cemilhuitiaya y çeçeyaca tlacatl yn inchan pipilti, anoço maçevalti : yuh mochioaya. y. y novia^ Calpan. Auh in ocemilhuiti yn incha^, ioan oquitlamaniliqz, niman yc quinmamaltiaya y çeçeme ychpupuchti concaoaya in iteupa^ chicomecovatl : ynic moteneva çenteupan. Auh ynin, ilhvitl quiçaya : ypan ic chicome Abril yn metztli.

Toxcatl moteneoa, iquac tlacatia y^ tezcatlipuca : ioan yyacatecutli, Auh in ipa^ ilhuitl. y. amo tlacamictiloya, çan tlamanaloya, tlacutonaloya. Auh y^ ye tevtlac, teteuhaquiaya y^ civa, quitoznequi : in civa çeçeyaca quitquitivia y^ imamauh tlacuiloli, holtica, quitotitivia : ioan qujtlayavalochtitivia, quiyavaloaya yn iteucal tezcatlipvca, çan ceppa, Auh ioa^ y^ amatl vncan concavaya. {p. 59} Auh y^ ye yovac mitoaya toxcachochololoya, in ixquichtin novian tlamacazque : ioan telpuchachcacauhti, ioa^ in intecuhyova^. Ceyoal, in mitotiaya, in moteneva toxcachocholoaya. Auh in icha^ vitzilopuchtli, cuicoyanoloya, mitoa, necocololo : auh in civa tlanavaya mitotiaya, ipa^ y^mumuchicozquj. Auh yn ilhuitl quiçaya, ipa^ inic cempoali vnchicome metztli Abril.

Etzalqualiztli vnca^ ilhuiquixtililoya y^ tlalloc, ioan miquia. Auh inic muchivaya ilhuitl, cempoalilhuitl y^ ciuapa^ cuicoya. Auh y^ oc iuh muztla, miquiz, tlalloc; motenevaya tenanamico ioa^ tlayavaloloya, ioa^ totopatlanaltiloya : quauhtitech quimiylpiaya in totome, quitquitivia in iquac tlayavaloloya, yc mitotitivia in telpupuchti. Ynin muchivaya ye teutlac, auh ceyoal in quitotiaya tlalloc. Auh in iquac ye tlatlalchipava iquac miquia in tlalloc : auh in omjc, oc cepa moyavaloaya y^ teucallj : yc mitoaya mocalnavatia in tlalloc : auh çatepa^ contlaliaya y^ oztoc, auh ioa^ tolpa^ onovaya macujlilhuitl, ynic neçavililoya.

Auh in ilhuitl quiçaya. y. ipa^ inic caxtolli omome metztli mayo.

{p. 60}

{f. 251r}

Tecuilhuitontlj moteneva iquac miquia in vixtoçyvatl. Auh in vixtocivatl motenevaya, y^teuh catca yn iztatlatiqz. Auh miquia ce çiuatl, yn ixiptla muchivaya, in vixtoçiuatl, Auh no cenpoalilhvitl y^ ciuapan cuicoya, auh inic muchichiuaya Cyuapan cuicaya, ymiyztauhya xochiuh catca. Auh in ilhuitl quiçaya, y. ypan ynic chiquacen metztli junjo.

Vei tecuilhuitl, iquac miquia in motenevaya xillone auh vitznavac yn miquia : no cempoalilhuitl y çioapan cuicaya. Auh inic vntlamantli no miquia yn ciuacovatl : ioa^ mitoaya xillotlaxcalqualloya ytlacotya^ y^ Vei tecuilhuitl : in iquac quimictiaya çiuatl. Auh in iquac mitotiaya çiua, yancuic y^ incue, ymvipil, y^ conmaquiaya ioa^ conmaquiaya inxochicozquj ioa^ ymicpacxochiuh. Auh in tlavizcalpa, tlayavaloloya y^ ayamo miqui çiuatl. Auh çeyoval, in çiuapa^ cuicoya toçovaya i muchi tlacatl ixtoçoya : yca yn icuic mitotiaya.

Auh yn ilhuitl quiçaya. y. ypan ynjc cempoalli vnchiquace metztlj Junjo.

Micaylhuitontli, iquac vallaçia yn xucutl, ynic muchiuaya, y. yquac y^ quivallaxitiaya {{p. 61}} xucutl. y^ conanaya quauhtla : ipanpa in motenevaya xucutl vallaçia : yehica ca iquac yancuican quivallaxitiaya y^ quauhtla omanato. Auh in iquac oacico xucutl, y^ vnca^ moteneva xocutl itlaquaya : vnca^ muchi tlacatl conamiquia, contlamaniliaya, no vmpa via y^ teteuynan, yoa^ conxuchimacaya y^ xucutl, ioa^ in ixquichtin tlavillanque muchintin muxochitiaya y^ oquivillanato xocutl, ioa^ yn ciuapipilti y^ contlamanjliaya xucutl, yc motenevaya xocunamicoya. Auh yn jmoztlayoc queoatiquetzaya in xocutl, çan oc yuh ycacca cempoalilhuitl.

Yn ilhuiquixtililoya. y. ypan ic caxtolli oçe metztli Julio.

{f. 251v}

Vey micailhuitl, iquac in motenevaya xocutl valuetzi. Jnic muchivaya. y. iquac in itech motlaliaya yn inacayo otontecutlj, tzovallj, yuhquima tototl yc tlachichiuhtli catca : icpac unmoq^quetzaya yn xocutl.

iquac miquia y^ moteneva yyacatecutli pochteca y^teuh, iquac tealtiaya y^ pochteca. Auh in iquac omicovac, çatepan tlayavaloloya : yc moteneva quauhtitla^ tlanavaloya necocololoya, ye teutlac, quiyavalotinenca, in xocotl. Auh y^ ye teotlac nima^ ye quitlecavia y^ xocutl, auh y^ aqui^ achto pavetzia mitoaya ocaçic in xocutl. Auh in icpac catca ocatca xocutl in tzovallj vmpa, conquechcotonaya. Auh in oaltemoc quichixtimanj yn iveveyova^, njma^ ic conanaya, quicallaquiaya in icha^ diablo vnca^ quinacaztecpamiviaya : {p. 62} nima^ yc quivica in quicavazq^ yn jcha^ y^ ocaçic xocutl vmpa ce xivitl quipiaz : no iquac quitlacatilititiuh y^ oc ce xivitl in iquac ylhuiuh, quicavaquiuh.

Yn ilhuiquixtililoya ipa^ in agusto metztli yc macuililhuitl.

Ochpaniztli, iquac miquia in teteuinan, moteneva tecomapiloloya, auh cempoalilhuitl y^ çiuapa^ cuicuya : auh mochi tlacatl mitotiaya y^ teteoatzitzin, ioa^ in tlatoq^, in tetecuti in tequivaqz, in tlamacazq^ : ioan in çiua. Auh in tetecuhti in tlatoq^ inic muchichivaya, conmaquiaya yn ixicol, ioa^ inpapalotilma yn jmjyeteco. Auh in tequivaqz ic muchichivaya yn jntlamecayouh, ioa^ in intlalpiaya : auh in çiua, çan ixquich yn incue, y^ y^vipil, inic muchichiuaya. Auh inic netotiloya in ipan j, ça^ neçeçenpantililoya : necuecuepaloya : auh in ixquich maçeuallj muchi tlacatl mitotiaya. Auh in iquac otaçiq^ ilhuiuh y ye valyova miquiz moteneva itianquiz quicça, Auh in omic, in oquixipeuhq^, ce tlacatl conmaquiaya yn iyevayo, yc motenevaya çacapa^ valmoquetzaya, mitoaya, quinanavaya, yn vmpa iteupan : nima^ ye ic yauh yn itoalco vitzilopochtli, yc motenevaya yveveuh quicça, auh in iteutlacyoc {p. 63} motenevaya macuexyecoaya : auh in yovaltica mitoaya moçacaicalia necalivaya, auh in otlatvic : yn ithvalco, vitzilopuchtli, netotiloya : ipan in ixq'ch tlaviztlj, yautlatquitl, ioa^ maquauhtica netotiloya. Auh y ye teutlac mitoaya payna, achto yauh in imexayac : auh nima ye oneva inic quitlalizq^ quauhticpac, necalivaya, inic contlaliaya quauhticpac inic motenevaya yauçivatl.

In ilhuitl quiçaya ipa^ in augusto metztli ic ce^poalli vnmacuillj :

{f. 252r}

Teteu, heco, auh inic mitoaya quilmach ca^pa y^ ovia teteu cempoalilhuitl : auh in jquac vallacia yc mitoaya ohecoq^ i, oaçico, ovallaq^ in teteu, Auh in ica vncat y^machiyouh yn iveveyoa^, inic chialoya, tlaultextli cenca vellayectilli, ca iuhquj yn ivitl, ca^ tlamach quicopinaya iuhqui xamjtl auh ic mitoaya ymicxj, auh q'lmach in iquac vallacia teteu, xitinja yn iuhquj xamitl tlaultextlj, y^ quema^ aço yoalnepantla in xitinia : anoço tlaca, anoço otlatvic. Auh in iquac yuh quitaya, y. yn iveveyoa^, ic quimatia ca oaçico in teteu, njma^ yc tlapitzaloya, tlenamacoya : ioa^ tlamanaloya, ixquich yc tlamanaloya in tlein yancujca^ muchivaya tonacayutl : ioa^ necocololoya yvitica, necujloloya, ica tlapalilhuitl.

Auh in ilhuitl quiçaya ipa^ setiembre yc matlactlj onavi.

Tepeilhuitl, iquac quintlacatiliaya yn tetepe, tzovalli. Auh inic muchichivaya tzovalti tetepe, muchi tlacatl quintlacatiliaya yn inchacha y yoaltica in tlacatia in tetepe. Auh in iquac otlacatq^ yc nima^ quintlenamaquiliaya : {p. 64} ioan quintlenamaquiliaya : no ioa^ quincuicatiaya quimeviliaya in tlein, incuic, çeçentetl tepetl. Cecentlamantli yc quincuicatiaya, ipa^pa y^ motenevaya tepeilhuitl nextlaoaloya quintlacotoniliaya ynic tlamanjliloya tamalli. Auh in ilhvitl quiçaya. y. ipa^ in octobre metztli, yc navilhvitl.

Quecholli, iquac çacapa^ quixoaya. Auh in ipan j motenevaya temixcovatlatlavitecoya inic muchivaya, no micovaya, in miquia tlacutlj, anoco mallj. Auh inic motenevaya temixcovatlatlavitecoya inic muchivaya, tlalpa^ quitecaya in tenopallj, y netzollj, in teumetl, ixco quitzetzeloaya çacatl unca^ muchivaya in mixcovateupa^. Auh in malli anoço tlaaltili quinmailpiaya : ioa^ quimicxilpiaya, vncan quintlatlavitequia : çatepa^ quimeltequja : y^ vnca^ tlacpac mixcoateupa^ ioan netotiloya çanioque : in oquichti^ yoa^ qui^cuicatiaya inteteuatzitzi^.

Yn ilhuitl quiçaya y. ipa^ in metztli octobre : yc cempoallj onavi

{f. 252v}

Panquetzaliztlj, iquac tlacatia in vitzilopuchtli, yn ipan nenapoalçavaloya, yeçe amo tlaqualizcavaloya, çan tlaqualoya, ça ye ayac mamoviaya, ano ac motemaya, ayac çiuapan cochia. {p. 65} Auh in iquac tlamacuilti muchi tlacatl tlacatlaquaya ioa^ in pipiltotonti. Auh no iquac muchivaya in ixquich tlacpac omitto, in ipa^ tlacaxipeoaliztlj no micoaya in iuh mochivaya ipa^ paynal : ioan cuicoyanoloya napoalilhuitl valcuicatequitia in ixquich altepemaitl y^ vnca^ yyolloco altepetl. Auh in ixquich valmitotiaya in ichpochtlj, in telpochtlj i napoalilhuitl. Auh in ventlj ynic quitlamanjliaya yehvatl y^ veyac tlacuelpachollj. Auh in iuhqui omito tlacpac : in iquac oxiti in ixiptla vitzilopuchtlj : oc ceppa tlecoaya, yn teucalticpac vmpa vnjvaya in moteneva matlalloctlj : ioa^ macuiloctlj, nima^ ye caltemo yn itoca chunchayotl yxiptla in vitzilopuchtli, in iuh muchichiuhtiuh vitzilopuchtli, no iuh muchichiuhtihvia in chvnchayutl : ic mitoaya chunchayocacalioaya : yehica ca necalioaya : auh inic muchioaya y^ aqui^, otlica ipan oquiçato, nima^ canaya, ixpan quihoalhvicaya in vitzilopuchtli : vnca^ quinacaztecpamiviaya, ioan quitzoncuj.

Yn ilhvitl quiçaya ipan in metztli noviembre ic matlactli omey.

Atemoztli, yn ipan j atemoztli y novia^ tepeticpac, nextlaoaloya, ic mitoaya, ya^cuica^, temoya, in tlalloq^. Auh in mocuiltonoanj in inchacha motetepictiaya, yoalnepantla in tlacatia tepictoto : ioa^ quincuicatiaya, auh ça^ tlavizcalpa^ y^ miquia in tepictoto : çan iquac y^ onextlavaloya. Auh y^ aca quintlacatiliaya itepicoa^ matlactetl : auh y^ aca ça^ macuiltetl. quintlacatlachialtiaya quimaamacaltiaya, quimaamatlaque^tiaya. Auh çatepa^ qui^quechcotonaya yca in intzotzopaz çiua ynic qui^mictiaya. Auh yn imaamatlaqz ça^. ithvalco, tlatlaya, auh in inacayo tzovalli, quiquaya.

{p. 66}

Yn ilhujtl quiçaya ypa^ in metztli decie^bre. yc eilhvitl.

{f. 253r}

Tititl, iquac in moteneva teu, itotiloya : ioan mitoaya ilamatecuhchololoya. Auh inic muchioaya y. in ixq'chtin, teteu, ayac mocavaya inic mitotiaya : muchintin ic muchichioaya y ceceme intlatquj, omilhuitl y netotiloya ynjc cemilhuitl motenevaya yancuj temoa : ynjc homilhvitl mitoaya centlamoa, iquac tlayaoaloloya : ioa^ mitoaya vetzi in chiquatl techichiquaviloya, oquichtin in techichiquaviaya auh ciua in quichichiquavia : no yquac, illamatecuhchocholoya inpan moquixtiaya in civateteu, yn mitotiaya moxayacatiaya. Auh yn iomilhviyoc tlayavaloloya moyaoaloaya in teucallj : in muchintin diablome tlacpac omoteneuhq^. Auh in vntlayavaloloc njma^ ic quivivica yn inteoa^ in inchacha : oc cepa vmpa, quimitotiaya, yc mitoaya mocxipacaya y^ omoitotiq^ teteu.

Yn ilhuitl quiçaya. y. ipan y^ metztlj deciembre yc cempoallj omey.

Yzcalli quac mitoaya vauhquiltamalqualoya ioa^ yancuica^ tocoya, yni mochivaya imatlacyoc y^ izcallj. Auh in ipa^ metztlj ipa^ in henero ic matlactlj omome : auh y^ oc no imatlacyoc in iquac moteneva yzcallamj iquac miquia y^ ixcoçauhquj : iquac mozcallaanaya {p. 67} in pipiltotonti : ioa^ in quavitl in metl, y nopallj, quizcallaanaya, yc mitoaya yçiuhca manaz

auh in aqui^ tealtiaya quimictiaya in ixcoçauhq' ioa^ netotiloya. Auh inic mitoa tealtianj yehica yn itlacauh muchipa caltiaya atotonjltica in ixquichcauh cempoalilhuitl : ioa^ muchipa quimaca in quallj tlaquallj, ioa^ in itepixcauh aviani çiuatl muchipa in tlacuchia, in ixquichcauh cenpoalilhujtl. Auh in iquac miquia tlaaltili y^ ciuatl avianj muchi quicuia in ixq'ch itlatqui tlaaltillj ; ioa^ nauhxiuhtica y^ pilquixtiloya : ioa^ pillavanoya ioa^ motecuitotiaya in tlatoq^. Auh inic mitoa pillavanoya yehica in ixquich piltontlj cocoltica onoc muchi vmpa vnmitotiaya in iteupa^ ixcoçauhqui, muchi tlacatl tlavanaya in pipiltotonti. Auh in omochiuh ilhuitl in çemilhuitl auh in ye teutl ac nima^ ye tlayavalolo neneuhqui in muchivaya yn ipa^ atemoztli no iuhq' muchivaya. Yn muchivaya. y. ipa^ ic ce^poallj onmatlactlj oçe henero ynic moteneva yzcallamj.

{f. 253v}

Auh y^ atamalqualiztli chicuexiuhtica in mochiuhtivia : y^ que^manja^ ipan yn muchivaya {p. 68} quechollj. auh anoço quemanian ipa^ yn tepeilhuitl, muchioaya. Auh chicomilhvitl y neçaoaloya, çan tlapactli atamalli in qualoya, amono chilo amono, yztayo, amono chilo, amo tequixquiyo amono tenexyo : auh tlacatlaqualoya. Auh in aquin amo moçaoaya yn ipan j intla machoya : nima^ tzacuiltiloya. Auh cenca ymacaxoya. y. in atamalqualiztli : auh yn aquin amo quichioaya y^tlacamo yttoya, anoço machoya quilmach xixiyotia. Auh in iquac ilhvitl qujçaya, moteneoa, ixnextioaya : ioan atecocoltioaya, ioan in iquac cenca muchintin mitotiaya y^ teteuh : ic mjtoaya teujtotiloya, ioan ixquich vncan valneçia in vitzitzilli, papalutl, in xicotli, in çayoli / in tototl, temollj / tecujtlaololo in ipan moquixtiaya, tlaca in ipa^ valmitotiaya. Auh no cequintin ipa^ moquixtiaya in cochiztli, in ixocotamalcozqui : ioa^ totolnacatl, in jcozquj : ioa^ ixpan jcaca in tonacacuezcomatl te^ticac xocotamalli, auh no muchi, vncan valnecia in ipa^ moquixtiaya in motolinja in motequiquilmaquilia in motequaquamaquilia : no ioa^ vnca^ valneçia in teucucuxquj in ipa^ moquixtiaya : ioa^ in oc cequintin totome in tecolutl in chichtli ipan quiçaya ioa^ oc cequj in ipa^ moq'xtiaya. Auh motlaliaya in tlalloc ixpa^ manca, y^ atl, vnca^ temia in cocoa, ioa^ cueyame, ioa^ y^ yeoantin motenevaya maçateca, vnca^ quintoloaya {p. 69} in cocoa ça^ yoltivia çeçeyaca, ioa^ in cueyame ça^ incamatica yn quimonanaya, amo ynmatica : ça^ quimontla^quechiaya injc quimonanaya y^ atla^ in vnca^ ixpan tlalloc. Auh ça^ quinquaquativia, in cocoa inic ipa^ mitotitivia maçateca, Auh in aquin achto quitlamjaya y coatl in quitoloaya : nima^ ic tzatzi, tlapapavia, quiyaoaloa in teucallj : auh quintlauhtiaya in quintoloaya coatl. Auh omjlhuitl i netotiloya. Auh injc omilhuitl netotiloya, ye teutlac in tlayavaloloya : nappa in moyaoaloaya teucallj. Auh in xocotamalli iquac qualoya in tonacacuezcomac temja, muchi tlacatl concuja in iquac tlamia ilhuitl. Auh y iehoantin in çiva illamatq^, ioa^ vevetq^ cenca chocaya quilnamjquia y^ acaçocmo açizq^ chicuexivitl quitoaya : ac oc ixpa^ in mochioaz y. Auh inic mochivaya. y. quilmach yc mocevitivia in tonacayutl in chicuexiuhtica ipa^pa quilmach cenca tictlayhioviltia, inic tiqua, in ticchilhvia in tiquiztavia in tictequixqujvia, in motenexvia, yn iuhqujma ticatzonmjctia inic ticnemjtia quilmach ic mopilquixtitivia, in tonacayutl, iuhqui y^ muchioaya. Auh in iquac otzo^quiz ilhuitl, yn imoztlayoc motenevaya, molpalolo, yehica ca oneçavililoc, yn tonacayutl