± XIII Acatl xihuitl, 1063.

I Tecpatl xihuitl 1064. Nicân ypan in yn iuh quitohua huehuetque ypan in yn xihuitl yn tlacat ynic ompa monexti yn tlacatecolotl yn itoca Tetzahuitl Huitzillopochtli yn itocayocan Aztlan Auhtlan Colhuacatepec yn ompa onoya yn huehuetque yn Chichimeca ca yuh quitohua anepantla, aytic, yn onoya, yn ompa huallaque çan oc nauhcalpoltin yn achto yn ompa, onoya, Azteca ynic ce calpolli ytoca Tlacatecco ynic ome calpolli ytoca Tlacochcalco, ynic ey calpolli ytoca Calpilco, ynic nahui calpolli ytoca Tolnahuac, ynin ome calpolli çatepa pollihuico yn itoca. Auh ynic huallamacehuaya ca acaltica yn quihualtemaya yn imacxoyauh ± yn oncan ytocayocan Quinehuayan Oztotl oncan cate ytoca Chicomoztotl, yn oncan çatepan hualquizque Azteca ca mochipa yuh quihualchihuaya yn imacxoyauh quihualtemaya onca. Auh yn oyuh ye ontzon xihuitl ypan matlacpohual xihuitl, ypan matlactli on nahui xihuitl cate yn onca anepantla aytic yn ipân mitohua motenehua hueycan altepetl, ciudad Aztlan in yehuantin huehuetgue Chichimeca yn ye motenehua Azteca. Auh yn iuh quitohua huehuetque yn iuh quimachiyotitihui, Ce tecpatl xihuitl ypan yn intlapohuatl, auh ynic quinamiqui yn in tt Dios yxiuhtzîn ya yehuatl in yn tlacpac neztica de 1064 ; oyuh ye ontzon xihuitl ypan matlacpohuali ypan epohualli onnahui xihuitl, motlacatillitzimo y nelli Dios ypiltzîn yn iquac oquînnotz yn inteouh yn yehuantin Azteca ynin achto yc qu innoch ynic ça tepa oquimoteotique yuh quitohua yn achto, ayamo miyac catca yn netlapolloltiliz yn iuhqui axcan ypan in xihuitl ± copehualtigue, yn huey netlapoltiliztli yc oquimiztlacahuico tlacatecolotl ¾ yn yehuatl yn quitocayotiaya tetzahuitl Huitzillopochtli quicaquia yn tlatohuaya yn Azteca auh yhuan quinanquilliaya auh yn amo quittaya ; auh yn în Tetzahuitl Huitzillopochtli oquinotz yn inteyacancauh yn intepachocauh yn inquauhtlatocauh yn Azteca ; yn oncan catca onoya yn ipân yn itic huey altepetl ciudad, Aztlan ; yn quauhtlahto ytoca Yztac Mixcohuatzin auh quilhui yn yehuatl Huitzillopochtli yn Iztac Mixcohuatzin tlaxihuallauh Yztac Mixcohuatze. yn axcân ca monequi cenca huel totech monequi nimitznahuatia ma nimân xontlatecpana yn iuh ônyez yn iuh onmochihuaz. auh ihuan ynic tiquinmonhuicaz miyec tlacatl, motlaonyazgue yn Azteca. Auh ma ixquich chicome calpolli, yehuântin yn huel tlapaltique yn chicahuaque yn huehueyntin tlaca ma hualca yxachintin, ynic miyequintin yn macehualtin. ± Auh ca yehica ypampa ca tiazgue yn axcan ca titotecatihui ca titotlallitihui yhuan titepehuatihui tiquinpehuatihui yn ipan nohuian cemanahuatl yn ye onoque macehualtin ; auh yehica ypampa yn nehuatl ca neltilliztica nelli namechilhuia ca namechihuatiuh antlahtogue anpipiltin antetecuiyohuân anyezque yn ixquichica nohuianpa cemanahuac auh ynic antlahtoque anpipiltin anyezque ca anquînpiazque anquintzitzquizque amo çan quexquichtin atzonquizque atlanque yezque yn amomacehualhuan yezque yn amechtlayecoltizque yn amechtlacallaquilizque yn amechmacazgue yn amo çan achi yn amo çan quexquich yn hualca tlapanahuia yn chalchihuitl, yn coztic teocuitlatl, auh yn quetzalli yn quetzalliztli yn tapachtli yn tlapaltehuillotl, auh yn tlaçotli tlaquentli.

=

 ± Auh yhuan yn amotlacahuan miyec onyezque quinnemiltizque, auh y nepapa yhuitl yxiuhtototl yn tlauquechol, yn tzinitzca yn ye yxquich yn tlaçoyhuitl, auh ytlapapalcacahuatl yn tlapapal ychcatl, ca mochi anquittazque canel notequiuh yc onihuallihualloc. Auh ca yehuatl ica ynin yn itlatol Huitzillopochtli ; ca nimân oquinquixti yn Iztac Mixcohuatzin teuhctli ye chicome calpoltin yn onpa onoya Aztlan ; auh yehuantin ynin chicome calpolli y macehualtin yn quihualquixti, auh no ceceyaca quinpieya ce ce ynteohuan ynic mitohua motenehua ca oc no cequintin yn quihualhuicague yn inteohuan ; auh no yhuan ynic mitohua motenehua yn chicome calpolli yn Mexica yn huallague ompa Aztlan ; auh ynic ce calpolli Yopica ± ynic ome calpolli Tlacochcalca ynic ey calpolli Huitznahuac, ynic nahui calpolli Cihuatecpaneca, ynic macuilli calpolli Chalmeca ynic chiquacen calpolli Tlacatecpaneca, ynic chicome calpolli Yzquiteca, yhuan quihualhuicague y mochintin hualcepayaque yn ihueltiuh yn Huitzillopochtli ytoca Mallinalxoch yn oncân quihualcauhtiquizque Michhuacân yn oncan Pazquallo, ynic çatepan oncan huallehuac ynic motlallico yn oncan Malinalco, quinhualhuicac yn ixquichtin yn imacelhuahuân yn motenehua Malinalca. Auh yc niman ya huallehua ye huallolini yn huehuetgue Chichimeca Azteca yn chicome calpoltin, ye omito tlacpac, ontzon xihuitl ypan matlacpohualxihuitl ypan matlactli onnahui xihuitl ynic catca onca anepantla aytic yn ipân hueyaltepetl ciudad ynitocayocan Aztlan yehica yn oncân ycac yn huey azquahuitl ynic yehuatl ypampa motenehua Aztlan, auh yhuan ye o yuh nepa ya chiuhcnauhpohualxihuitl ypan onxihuitl, ± ya qui ynic nemico, nican Tollan yn Topiltzin Acxitl Quetzalcohuatl, ynic ya ca ye omito tlacpac ca huey apan callaquito yquac ¾ yc cen ya quitotia ca hualmocuepaz. Auh ye on omito tlacpac ye o yuh nepa ontzon xihuitl ypan matlacpohual xihuitl ypan epohualli on nahui xihuitl motlacatillitzino yn tt¨ Dios Jesu Christo, ynic huallolinque huallehuague yn Azteca, yc yehualnenemi yehuallotlatoca.

Auh nimân oncân acico yn itocayocan Teocolhuacan yuh quitohua amo hueca quitztica ynin yn Aztlan yn oncân acico çan ye ypan yn ce tecpatl xihuitl, auh yn ic amo hueca quitztica yn Aztlan yn Teocolhuacân ca no yntoca yn Azteca Teocolhuaque auh yn oncan ynpan acico yn inpan quiçaco, chicuey altepeme yn oncân onoque macehualtin yn motenehua Teocolhuaque ; auh nican ca yntoca ÿn chicuei altepeme y Teocolhuague ± ynic ce altepetl, Huexotzînca ynic ome altepetl Chalca Totollinpaneca, yniqu ey altepetl Xochimilca, ynic nahui altepetl Cuitlahuaca, ynic macuilli altepetl Malinalca ynic chiquacen altepetl Chichimeca, ynic chicome altepetl Tepaneca ynic chicuey altepetl Matlatzinca ; auh ye ce ynin yzqui omoteneuh tocaytl nican yn iquac yn ipan in ayemo yntoca catca, ca çan huel oquintoca Chichimeca Teocolhuaque catca auh ca yehica ypampa ca ye quin iquac yhuallaque yn ceceyaca acico yn ipan motlallico, yn cece ymaltepeuh, yn axcan oncan ypan cate onoque, ca ye quin iquac tlatocamacatacico yn ipan ymaltepeuh yn chicuey altepeme omoteneuhgue, ca ayemo niman yntoca catca yn axcan yntoca mochiuhtica caçan huelloc yntoca catca Chichimeca Teocolhuague ± yn iquac ynpan quiçaco, Azteca yn oncan onoca yn Colhuacan = oncan Chaneque catca.

Auh ynic hualpanogue yn Aztlan yn Azteca oncan quinhuallantiquizque yn Colhuacân yn oncan chaneque {catca} yn oquimittaque in Colhuaque yn Azteca niman no quimilhuigue Totecuiyohuane Aztecaye ca anmohuica ma tamechtohuiquillican ; niman no quitogue yn Azteca can in tamechhuicazque yn iuh antech ilhuia ; nimân no quitogue yn chicuey altepeme ; ca amo totecuiyohuane ca tamechtohuiquilizque, yn canin anmohuica.

Auh nimân no quitoque in Azteca ; ca ye qualli ma tamechtohuiquillican. Auh in Colhuacan yn iuh quitohua quin oncan huel quihuallantiquizque yn diablo, yn Tetzahuitl Huitzillopochtli, ± yn oquimoteotiaya yn Azteca yn huallaque yhuan ce cihuatl itoca Chimalma ; ompa quihualhuicaque yn Aztlan, Chicoccân, hualquiztiaque yn Azteca ynic hualnenenque, auh no yhuan yn chicuey altepeme yn Chichimeca Teocolhuaque çan ic mochintin ônmocetilica yn Azteca oncan quihuallantiquizgue yn Teocolhuacân ca quihualhuicaya ca hualcepanhuia ; auh ynic hualquizque oncan Teocolhuacân ynic hualnenengue çân ya yehuatl yn ipan ce tecpatl xihuitl yn tlacpac omoteneuh auh ynic hualleuhque yn oncan Teocolhuacân ca nahuintin : yn quihualmamaque yn diablo yn itoca Tetzahuitl Huitzillopochtli yn ye quimoteotia Azteca ; auh yzca yntoca yn omoteneuhque Nahuintin teomamaque yn quihualmamaque Huitzillopochtli ynic ce tlacatl ytoca Quauhcohuatl, ynic ome ytoca Apanecatl, ynic ey ytoca Tezcacohuacatl, ynic nahui ytoca Chimalma ± yc ye huitze yehualnenemi yn ipan ce tecpatl xihuitl.

II Calli xihuitl, 1065. Nican ypan in yn cequintin huehuetque yn quimachiyotia ynic oncan acico in Azteca ¾ yn itzintla yn huey Quahuitl yn inpan poztec ynic huallaque Azteca.

III Tochtli xihuitl, 1066.

IV Acatl xihuitl, 1067.

V Tecpatl xihuitl, 1068. Nican ypan in yn acico yn Azteca in itzintla huey quahuitl, auh in yehuantin yn teomamague yn itoca Quauhcohuatl, yhuân yn itoca Apanecatl, yhuan yn itoca Tezcacohuacatl, yhuân yn itoca Chimalma, yn oacico yn quahuitl ytzintla nimân noncan motlallique ynin cenca tomahuac yn quahuitl, niman noncan contlallique ytztintla ynin tlalmomoz. ypan contlallique yn diablo Huitzillopochtli, yn ocôntlallique niman concuique yn imitac ± auh yc niman ye tlaquazquia yn Azteca yniquac niman yn ynpan poztec yn huey quahuitl, auh nimân nic quicauhque yn quiquazquia cenca huecauhtica yn oc totoloticatca yn Azteca. Auh nimân quinnotz oncan yn diablo, yn Huitzillopochtli quimilhui xiquinnahuatican yn amech huica yn chicuey altepeme yn Colhuague xiquimilhuican camo tiazgue yn campa otiazquia ca çân nican titocuepazque, auh niman oquinnahuatique yn Colhuague yn chicuey altepeme ; auh yn oyuh quimilhuique cenca yc tlaocoxque yn chicuey altepeme ynic oquinnahuatique auh niman oquitoque yn chicuey altepeme Totecuiyohuane, campan tiazque, ca ça tamechtohuiquillizque. Niman no ceppa oquimilhuique camo huelitiz ca ça hanyazque, auh yn oquicacgue yn Colhuaque ± niman yc achto hualpeuhque ynîn yn omoteneuhque chicuey altepeme yn Colhuaque quimoncauhque yn oncan huey quahuitl ytzintla yn inpan poztec, auh huecauhtica yn ompa = catca yn Azteca yn oncan ynpan poztec quahuitl. Auh ca ça tepan yn hualpeuhque yn huallolinque yn otlica oncan ynpan acico yn tlatlacatecollo huey comitl ytlan huehuetztogue yhuan cequintin mizquitl ytzintlan huehuetztoque ca yehuantin ÿn quintocayotia Mimixcohua, yn ce ytoca Xiuhnel, ynic ome ytoca Mimich yniqu ey cihuatl, yn hueltiuh ; auh oc ceppa oncan quinnotz yn diablo Huitzillopochtli quimilhui yn Azteca xiquimonanacan n on yn huey comitl ytzintlan huehuetztoque. Ca yehuantin yacachto tequitizque. Auh nimân ôncan quincuepilli ± yn itoca yn Azteca, oquimilhui yn axcan caocmo amotoca yn amAzteca. Nimechmaca yancuic amotoca ye an Mexitin. Auh oncân no quin nacazpotonique ynic oqu icuepque yn intoca ynic ye Mexitin yhuan oncan oquinmacac yn mitl yhuan tlahuitolli yhuan chimalli yhuân chitatli yn tle yn aco yauh huel cominaya yn Mexitin ompa quiçaco, yn Cuixtecatl ychocayan yhuan Cohuatl ycama.

Auh niman ca oc centlamantli intlatol yn oc cequintin huehuetque yuh quitohua yn. Auh nican peuh yn in netlapololtiliz yn huehuetgue yn Chichimeca oncan peuh yn quahuitl yn inpan poztec oquinnotz yn tlacatecolotl yn Huitzillopochtli oytic callac yn ipepechtzin yn tt¨ Dios, yn oquihualmamatiaque ynic oqu innotz Mexitin oquimilhui tiazque amo tihuecahuatihui ± çan tinauhxiuhtizque çan titlachiquizque ynic tihui ; Oncan peuhtica yn yn huehuetque yn innetlapolloltiliz ynic ytic ohualyetia yn oquihualmamatiaque yn iuh quimachiyotia cequintin huehuetque ynic ompa hualquizque yn Aztlan yn Azteca ayamo hompa quihualmamatiaque yn diablo ¾ Huitzillopochtli ye quin huell otlipan quihuallantiquizque ynic quihualmomamaltique ynic yehuatl oquihualmoteotitiaque yn Azteca Mexitin ypampa yn ynic omeyollohua cequintin huehuetque yn iuh momati yn achto ca quimoneltoquitiaya y nelli Dios cemixquichyhuellitzin yn topampa momiquillitzino ; auh aço yuhqui, acanoço mocamo huel mellahuac momati yn aço tlaneltocaya yniquac huallolinque yn ompa Aztlan. ± auh ca çan in iuh mellahuac momati yeppa tlateotocani ynic motenehua Gentilesme. auh ynin huey quahuitl yn inpan poztec yn iuh omito yn tlacpac yn ompa ypehuayan ynin amoxtli ca çan no yehuantin yn tlaaquil yn tlatocal yn Azteca auh in ixquich cahuiti ynin quahuitl ynic achto tlaaquilli yhuân ynic poztequico ontzon xiuhtica ypan matlacpohualxiuhtica ypan chicuexiuhtica. Auh amo momati tle ytoca yn quahuitl.

VI Calli xihuitl, 1069.

VII Tochtli xihuit, 1070.

{Yhuan ypan in y cequintin quitohua yn hualquizque Chicomoztoc yn Mexica ynic motlallico oncan.}

VIII Acatl xihuitl, 1071.

IX Tecpatl xihuitl, 1072. ± Nican ypan in in omiquico yn itoca Nauhyotzin yn tlahtohuani catca Colhuacân. auh yn tlahtocat, onpohual xihuitl on chicome. Auh nimân onmotlahtocatlalli yn itoca Quauhtexpetlatzin (glyphe) tlahtohuani Colhuacan.

X calli xihuitl, 1073.

XI Tochtli xihuitl, 1074.

XII Acatl xihuitl, 1075.

Nican ypan in yn iuh quitohua yn oncan quiçaco yn huehuetque in Chichimeca yn Azteca yn Mexitin yn oncan ytocayocan Quinehuayan Chicomoztoc ynic hualquizque in itic Chicomoztotl ca huallohomequizque ynihuan yn cicihuahuan auh yn tepetl yuhqui ¨¨¨

[VI Tecpatl xihuitl, 1160]

 = ± ¨¨¨ ¨¨¨ ¨¨¨ ¨¨¨ yn Teocolhuacan yn inahuac Aztlan yn huehuetque Chichimeca, yn Totollinpaneca yn axcan ye yntoca Amaquemegue ynic ompa huecahuaque ontzon xihuitl, {ypan caxtolpohualxihuitl} ypan yepohualxihuitl ynic niman ye huallolinque ynic hualnenênque.

VII Calli xihuitl, 1161. {Ypan in yn cequintin quitohua acico ¨¨¨}

VIII Tochtli xihuitl, 1162. Nican ypan in huel mellahuac yn ic oncan acico ynic motlallico, yn Tiçatepec {Cuitlahuac} yn huehuetque yn Chichimeca yn Eztlapictîn yn Teotenanca yn tlahtohuani hualmochiuhtia ytoca Totoltecatl Tzonpachtli Tlayllotlac teuhctli yehuatl quihualmamatia yn inteouh y Nauhyoteuhctli xipil, ypial hualmochiuhtia ; auh yn icihuauh tlatohuani Totoltecatl Tzonpachtli, ± ytoca Xiuhtoztzin yn cihuapilli tehuan hualla ; auh yz cate yn i mochintin huallaque yn întahuan yn înteuhc tlahtocahuan hualmochiuhtiaque yn tlaçopipiltîn ynic ce ytoca Tlahuipillatonac ynic ome ytoca Tonacachimal, ynic ey ytoca Aopochtli, ynic nahui ytoca Quatomahuac, ynic macuilli ytoca Totonhuitztli ynic chiquacen ytoca Xipechimalle, Ca yehuantin în yn quihualhuicatiaque yn tlahtohuani yn Tlayllotlac Teuhctli yn ipillohuan yn iteuhctlahtocahuan hualmochiuhtiaque, auh yn ixquichcauh ynic ompa catca ÿn Teotenanca yn Temimilolco yn Cuixcoc, macuilpohualxihuitl on caxtolli ypan ye xihuitl, ynic axcân ypan in xihuitl, VIII Tochtli ye tlahtocati oncân yn Tiçatepec yn Totoltecatl Tzonpachtli.

IX Acatl xihuitl, 1163.

X Tecpatl xihuitl, 1164.

XI Calli xihuitl, 1165.

XII Tochtli xihuitl, 1166.

XIII Acatl xihuitl, 1167. [Ypan XIII Acatl xihuitl ± motlatoca tlalli yn ¨] {Tlaçolyaotzin} [Huexotla].

I Tecpatl xihuitl, 1168. Ypan in yn xihuitl y cequintin Mexica huehuetgue yn quimachiyotia ynic ompa Aztlan hualquizque yn Azteca Mexitin ynic huallague nican {Cohuatepec}.

¾ II Calli xihuitl, 1169.

III Tochtli xihuitl, 1170.

IV Acatl xihuitl, 1171. Nican ypan in miquico yn Achitomecatl ÿn tlahtohuani catca Colhuacan yn tlatocat cenpohualxihuitl once.

V Tecpatl xihuitl, 1172.

Nican ypan in yn omotlahtocatlalli yn Quauhtlahtonac (glyphe) yn Colhuacan tlahtohuani.

VI Calli xihuitl, 1173.

VII Tochtli xihuitl, 1174. Nican ypan in oncan momiquillico yn Itztepec yn Ecatzin teuhctli yn Chichimeca teuhctli yn in tlahtocauh yn Chichimeca ± yn Totollinpaneca yn Amaquemeque ynic huallaque yn tlahtocat, caxtolxihuitl ynic ompa hualquizque Chicomoztoc Quinehuayan. auh çân niman ypan in yn xihuitl motlahtocatlalli yn itoca Huehueteuhctli Chichimeca teuhctli yn in tlahtocauh Totollinpaneca Amaquemeque ça ya oc oncân yn Itztepec, yc catca.

VIII Acatl xihuitl, 1175.

IX Tecpatl xihuitl, 1176. Ypan in yn ommiquanique Cuitlatetelco, oncan Tiçatepec onehuaque yn huehuetgue Chichimeca Eztlapictin Teotenanca ye ynpa onacito yn Acxoteca ye onoque yn oncan Cuitlatelelco, oncan no ceppa ; ye tlahtocati, yn Totoltecatl Tzonpachtli.

X Calli xihuitl, 1177.

XI Tochtli xihuitl, 1178.

XII Acatl xihuitl, 1179.

XIII Tecpatl xihuitl, 1180.

I Calli xihuitl, 1181.

II Tochtli xihuitl, 1182.

III Acatl xihuitl, 1183.

IV Tecpatl xihuitl, 1184.

V Calli xihuitl, 1185. ± Nican ypan in omiquico Quauhtlatonac yn tlahtohuani catca Colhuacan yn tlahtocat, matlactli on nahui xihuitl.

...............